الكاتب الصحفى عاطف دعبس يكتب عن ”يابتوع الساحل نأسف لمعاليكم”
![الكاتب الصحفى عاطف دعبس](https://www.alguardian.com/img/23/08/06/78002.jpg)
![](https://www.alguardian.com/ix/GfX/logo.png)
•• فعلا ياباشا انت عندك حق، حضرتك فى -ليفل- واحنا فى ليفل تانى خالص!
ايه يعنى زجاجة ميه 250 جنيه وطبق فول ب150 جنيه؟ حضرتك سورى يعنى مش بتاكل الفول كل يوم! وانت عايش فى فيلا ب120 مليون جنيه فلازم جيرانك يكونوا بمستواك
•• وبعدين هو حد قالك يافقير تعالى الساحل؟ فيه إيه ياجماعة؟ بتستفزونى ليه؟
•• وانا بقول لحضرتك فعلا انت عندك حق! انت تعيش زى ما انت عايش وتاكل الفول مرة فى السنة وتدفع فى العشاء الوفات
احنا اسفين لك واسفين لمليادرات الساحل؟
•• ولعنة الله على من جعلك تخرج علينا بما خرج من لسانك! ولعنة الله على من جعل لنا الفول طول العمر وجعل لك الكافيار كل العمر!
•• ولعنة الله على من أفقر الفقير زيادة وأغنى الغنى بزيادة!
انت عارف باشا انا لو مسئول كنت حاكمتك بتهمة التباهي بالغناء الفاحش! لانك لا تعرف شئ عن الذوق العام ولا اللياقة ولا احترام ظروف الناس الغلابة التى تكح تراب،
•• اتمتع ياباشا ولو لقيت فى سكتك غلبان إسحقه برجليك لانه استفزك بحقده الاجتماعى ونظرته الطبقية!
هو حد قاله يحط نفسه فى طريقك وقال ايه كان فاكرك إنسان؟
•• انت عارف معاليك حتى لو ماقلته فى الفيديو التى سيرته مجرد تمثيل! بدليل السيجار والبدلة، ومتقمص شخصية الكحيتى أفندى، لكنك عبرت عن نفسك ووجهة نظر حبايبك المليونيرات اللى عايشين بينا وجايين علينا وينظرون لنا على أننا مجرد شئ
•• اللهم لا تأخذنا بما فعل السفهاء بنا
ويا مسهل