نادين تكشف قصة زيارتها للطبيب النفسي وأسباب اعتزالها التمثيل
![الفنانة نادين](https://www.alguardian.com/img/24/07/17/86682-17212371181883002.jpeg)
![](https://www.alguardian.com/ix/GfX/logo.png)
قالت الفنانة نادين: "روحت لدكتور نفسي مرة من باب الفضول، أنا متصالحة مع نفسي ولما يبقى عندي مشكلة أعبر عنها قبل النوم".
وتابعت خلال لقائها ببرنامج "الستات" الذي تقدمه مفيدة شيحة وسهير جودة بقناة "النهار": "لو عندي مشكلة مع أي حد هقولها له في وشه علشان أخلص علشان متعبش".
ولفتت: "عندي مشكلة إني صدامية واكتشفت لما روحت لدكتور نفسي إني شخصية طبيعية لإني بعبر وبتكلم مش كتومة".
وعن قرار اعتزالها التمثيل بعد وفاة السندريلا سعاد حسني، علقت نادين:"وفاتها كانت القشة التي قسمت ظهر البعير، الى جانب إني كنت راقصة باليه في أوبرا القاهرة وده كان معطلني عن التمثيل لأن الرقص بالنسبة لي كان الحب الكبير .
وتابعت: “إشباع الفن الحقيقي كان عندي في الرقص، ومن أسباب اعتزال التمثيل إن الشائعات حواليا كانت كتير والأخبار الصفراء عني كانت كتير ودي كانت بتتعبني جدا”.