عادل عبدالرحمن يكتب : وأمطرت السماء مرشحين بالبراشوت !!!

هل يحسم المال السياسي كرسي البرلمان أم الإرادة الجماهيرية للأصوات الشريفة ؟؟؟؟
صراع المال والأعمال بدأ واشتد الصراع وتهاوت وتبخترت أحلام وطموحات رنانة !!
خليك مع اللي منك واللي زيك !!
فية ناس جاية تاخد ومش هتدي !! واذا اداتك تبقي إشتراتك وقت المصلحة ؟؟!!!
علي العهد باقون وعلي الثوابت راسخوان .
مكاتبنا الشارع ورأس مالنا التجارة مع الله وما كان لله دام واتصل وما كان لغير الله انقطع وانفصل..
خلي بالك من اللي جاي يضحك عليك بكلام معسول خلي بالك من اللي بيظهروا كل خمس سنين !!!
ابعد عن الناس اللي بتداري في حزب وخليك مع اللي شاغل علي دراعه ..
خليك مع اللي منك وقاعد طول اليوم والساعه معاك .
ابعد عن نواب المال والأعمال وخليك مع نواب الغلابة ؛ هتلاقيه وقت ما تطلبه وتيجي تخبط علي بابه وتركب ب5جنية توصله.
بيته معروف ومكانه معلوم لا هيسكن في التجمع ولا الشيخ زايد ولا حتي بلد غير بلده .
خليك مع الخدمات اللي علي أرض الواقع .
المصلحجية بدأو واشتغلوا وبدأت بالتوكيلات أملاً في الأصوات!!!
إظن جربتوا واتلسعتوا يارب تكونوا وعيتو الدرس وفقتوااا !!!
خليك علي نظام احنا معاك وقاعدين معاك علي المصطبه وفي الشارع والحارة !!
ولاتكن علي نظام خد واجري روح العاصمه الإدارية وصيف في المالديف !!!!
خليك مع حزب الكنبه ، وسيبك من الشعارات الرنانة والافشخانات والاسطوانات المشروخة اللي هتسمعها من شويه مرتزقة ومنتفعين وشمشرجية بيشتغلوا من الموسم للموسم؟؟!!!
فاكر كلمة خالدة للزعيم مبارك .
لما إتسأل ؛ ياريس فية مرشحين بيفرقوا فلوس وكراتين وبطاطين ؟؟؟
قال خدوا فلوسهم واضحكوا عليهم !!!
واختاروا اللي انت عاوزينه.
ابعدوا عن مجالس المال والأعمال نواب رايحة تحمي مصالحها !!
نواب رايحه تشرع وتسن قوانين لهم مش لك يا غلبان ؛ دة اذا حضروا الجلسات أصلاً .
من الآخر ...
شوف مصلحتك مع اللي زيك اللي من تُوبك .
إحنا قولنا الكلام دة كتير .
بس المرة دي بتفكرنااا بذكري مرت علينا قبل كدة وارجعوا بالذاكرة ل2010 .
علشان كدة الدرس هيكون قاسي عليك ؛ ادعم بلدك ووطنك وقيادتك السياسية وخليك مع الوطن ومع نواب الغلابة مش مع رجال المال والأعمال لأنك هتيجي تدور عليهم هتلاقيهم فص ملح وداب !!!
#حزب_الكنبة_هو_الاصل.
.....وللحديث بقية